Ein av dei lokale båtane som ganske sikkert ikkje kjem seg til Fjordsteam er M/S “Stangfjord”. Båten er sidan 1995 eigd av Askvoll Kommune sør for Florø, og ligg no til full restaurering på Hardanger Fartøyvernsenter. Arbeidet, som er forventa å kosta omlag 5 mill er finansiert, er i full gang og forventa ferdig i 2011.

Båten vart bygd for Stongjorden Elektrokjemiske Fabrikker på Løvfallstrand i 1933, og teikna av ein av ingeniørane på verket. Den gjekk i passasjertransport for den veglause bygda fram til slutten av 50 talet, og seinare mellom anna som oppsynsbåt under sildefisket. I 1985 kjøpte Karl Vie den, slik at den kom tilbake til bygda. I 1995 måtte han selge, og Askvoll Kommune tok over med støtte frå Norsk Hydro.

Rapport frå arbeidet pr oktober finn du her status oktober og fotodokumentasjon frå 2004 her; fotodokumentasjon

Det vert i desse dagar arbeidd med å kjøpe Vulcanus ”tilbake” på vernehender. Sentralt i arbeider er Egil Sunde og Sandviksboder Kystkultursenter i Bergen. I morgon, tysdag, vert ein skjebnedag, – då skal søknad om støtte til kjøpet og rentefritt lån handsamast av kulturkomiteen i Hordaland. Bergen Kommune vil venteleg også gå inn med pengar.

 

 

 

Slepebåtane MS Vulcanus og MS Titan hugsar mange sikkert frå sine faste plassar i Tollbodhopen i Bergen. Begge båtane tilhøyrde  Bergenske Dampskipsselskap, BDS, og var bygd på Bolsønes i Molde i 1958 og 1959. Vulcanus, som er eldst, er framleis i svært god og original stand, og Egil Sunde meiner det ikkje er problem å gå med kvit dress i maskina!  MS Titan er eigd av rederiet Mørland og Karlsen i Arendal, arbeider langs sørlandskysten, og heiter i dag MS Skilsø. Begge båtane var designa av siv.ing. Per Grieg, tidlegare leiar av Grieg Gruppa i Bergen.

 

Begge fartøya vart brukt på hamna i Bergen i mange år, MS «Vulcanus» i over 50 år. Ho vart også å brukt ved sjøsetting ved Stord Verft og ved dåverande Ankerløkken i Florø. Ho hadde fast base i Tollbodhopen i Bergen og ein del av det daglege hamnebildet, men hadde slepeoppdrag langs heile kysten

 

Om dei får finansiert kjøpet og kontrakten vil dei bruke båten i kulturell samanheng, men dei vil og sikre seg avtale om tilbakeleige av båten til dei noverande eigarane. Sidan båten også har historie frå Florø, og sidan vi kan trenge ein slepebåt under stemnet (?)( ville vi vore svært glade for å sjå henne her!

Som det vil være kjent er DS Stavenes sitt mål å komme til Florø og Fjordsteam for eiga maskin (som dei bestemte skulle være kolfyrt i forrige veke). DS Stavenes er også ein av dei gamle båtane til FSF, og det var derfor naturlig at de kom inn som medarrangør av stemnet. Dette er vi  svært glade for.

Delar av styret har lang erfaring frå arrangering av Nordsteam, mellom anna gjennom Veteranskipslaget Fjordabåten. Dette vil heilt sikkert komme til nytte under stemnet i Florø.

Det vil være naturlig at dei får ansvar for samseglinga frå Bergen via Skjerjehamn og turen til Sogn etter stemnet. Her kan dei som ynskjer det delta på ei sjeldan oppleving; å segle innover sognefjorden i følge med fleire vakre båtar.

M/S Polarstar er ein spennande båt vi gjerne skulle sett i Florø. Så seint som i 2007 var denne båten på selfangst i vesterisen/Grønnland. I dag ligg ho på land i Tomrefjorden utan sertifikat, men om alt går etter planen er papira på plass til jul.

Skuta er i dag eigd av eit partslag md Willy Nesset (Ullsteinvik/Hareid) i spissen. Etter planen skal partshavarane gi båten til ei stifting. Drifta vil basere seg på samarbeid med maritime skular og opplevelsescharter for grupper i sesongen.